Posts

Showing posts from November, 2009

Lajmet e fundit nga Flurudha

Namuzlliku i çjerrjes së faqeve

Nga Kostaq Xoxa
Është tjetër tradhtia bashkëshortore e burrit ndaj gruas; por edhe e gruas ndaj burrit. Por është një gjë tjetër, tepër e rëndë, keqpërdorimi i gruas, si një krijesë më delikate, më e brishtë se bashkëshorti i saj.
Vendi ynë kaloi nga njëri ekstrem në skajin tjetër, me shporrjen e diktaturës komuniste. Shkaku qëndron në atë se nuk u morën seriozisht traditat e popullit tonë. Natyrisht duhej kaluar në një stad tjetër në konceptim, duke kapërcyer édhe disa zakone të rrënjosura, të cilat duheshin tejkaluar. Por këto ndryshime në psiken e njeriut shqiptar duheshin bërë me kujdes, duke dhënë ndihmesën e drejtpeshuar, veçanërisht, organet e shumta të shtypit gjatë pluralizmit, si edhe mediet përgjithësisht. Nuk mund të lihej pas dore ajo veçantí që do të duhej të sugjeronte demokracia jonë e re dhe e brishtë: evolucionin mendor. Për fat të keq, më të paduruarit u treguan “të emancipuarit” e të privilegjuarve të kohës së dikurshme, që dilnin jashtë shtetit me kollajllëk. Disa…

Tragjikomizmi i Edi Ramës

Luçiano Boçi

Një javë më parë opozita konsumoi një nga format dalluese të një shteti demokratik, tubimin e protestës, një formë mjaft e njohur dhe e aplikuar në të gjitha vendet demokratike në botë. Madje për ta bërë këtë tubim, të veçantë në llojin e vet këtu në Shqipëri, tubimi zgjati plot 48 orë. Deri këtu çdo është normale dhe s’do përbënte asnjë paradoks apo tragjikomizëm politik dhe njerëzor. Le të mundohemi ta lexojmë qetë dhe si qytetarë këtë tubim. Që në nisje të tij, objekti i tij ishte antikushtetues. E thënë më thjeshtë, zoti Rama kishte në qendër të tubimit hapjen e kutive, të cilat më parë janë certifikuar dhe vulosur nga KQZ dhe Kolegji Zgjedhor. Një kërkesë që ligjërisht është e pamundur dhe zoti Rama e di shumë mirë këtë. Këtu nis alibia e zotit Rama. Them zotit Rama, pasi socialistët nuk kanë asnjë kontribut në këtë alibi, ata thjesht “besojnë” kryetarin e tyre. Kjo është një “betejë” personale e kryetarit socialist për të rrëmbyer karrigen e pushtetit, në mënyrë an…

Homo mitingus

Edmond Tupja

Nga australopithecus afarensis-i (i pari primat që, 5,5 milionë vite më parë, kaloi nga pozicioni mbi katër putra në atë mbi dy këmbë) tek homo sapiens sapiens-i (prototipi i njeriut të sotëm, shfaqur para 100 mijë vitesh), historia e njerëzimit ka njohur, përveç homo habilis-it, homo erectus-it dhe njeriut të Neanderthal-it, disa lloje njerëzish fryt i paparashikueshëm i zhvillimit të një ideologjie të mbrapshtë sidomos në shekullin XX, si, për shembull, homo sovieticus (njeriu i ri i Lenin-Stalinit), homo leifenus (njeriu i ri i Mao Ce Dunit) dhe homo albanicus (njeriu i ri i Enver Hoxhës).
Pas shembjes së diktaturës hoxhiste në Shqipëri, pra, para gati 18 vjetësh, nisi të shfaqej mes nesh, për habinë, por edhe për fajin tonë, një homo i ri, homo mitingus, d.m.th. ai ose ajo që sillet nga rrethet për të mbushur Sheshin “Skënderbej” ose atë “Nënë Tereza” në kryeqytetin tonë, arenë përplasjesh politike të shpeshta, sidomos në periudha fushatash para e paszgjedhore. Disa n…

Zgjidhja e paarritur pas një buzëqeshjeje

Aleksandër Marku

Askush nuk priste në Greqi që një çështje që ka ngelur e pazgjidhur për 18 vjet rresht, të fillonte të zgjidhej të premten në mbrëmje, atje buzë liqeneve të Prespës. Madje, fotografitë dhe pamjet televizive me dorështrëngimet e "përzemërta dhe buzëqeshjet e ngrohta" shkaktuan reagime nga më të ndryshmet. Grupe analistësh, por edhe njerëz të thjeshtë, partizanë të mbrojtjes së emrit "Maqedonia", komentuan ngjarjen me skepticizëm. Por shumica e mediave dhe e opinionit publik e kanë parë me një sy më logjik takimin e krerëve të tre vendeve, duke theksuar se edhe fakti që bisedojnë është diçka pozitive, pavarësisht se nuk bien dakord. Madje e quajnë këtë metodë shumë herë më të mirë se veto e vendosur, jo vetëm në samitin e NATO-s nga ish-kryeministri Karamanlis, por edhe në çdo lloj bisedimi në rang qeveritar për çështjen e emrit, për sa kohë që konservatorët udhëhoqën Greqinë.
Ajo çfarë ka zënë vendin kryesor në shtypin grek për takimin trepalësh ka q…

Pas Prespës shtrëngohet laku rreth Maqedonisë

Maksi Sinemati

Media maqedonase i jep një hapësirë të gjerë takimit trepalësh që u zhvillua në fshatin Pili të Prespës, në pjesën greke, me pjesëmarrjen e kryeministrave të Maqedonisë, Nikolla Gruevski, Greqisë, Jorgos Papandreu, dhe të Shqipërisë, Sali Berisha, kushtuar ndryshimeve klimaterike në prag të Samitit të afërm të Kopenhagenit për këtë problem të rëndësishëm. Por, sidoqoftë, kjo media vëmendjen më të madhe ia kushton sidomos asaj që biseduan dhe thanë Gruevski dhe Papandreu për problemin e mosmarrëveshjes për emrin mes Maqedonisë dhe Greqisë, ndërkohë që po afron 7 dhjetori 2009, kur pritet që Këshilli i Europës (KE) të caktojë ose jo, datën e fillimit të bisedimeve të pranimit mes Maqedonisë dhe BE-së, duke supozuar se deri ku janë afruar qëndrimet e kundërta mes këtyre dy vendeve lidhur me mosmarrëveshjen në fjalë. "Takimi, i iniciuar nga pala maqedonase dhe i mbështetur nga bashkësia ndërkombëtare, do të duhej të tregonte e të provonte se dialogu mes Shkupit dhe Athi…

Pavlefshmëria prej mosmandatimit

Ilir Mati

Lexues të gazetës "Shqip" iu drejtuan autorit të artikullit "Pavlefshmëria e Kuvendit të Shqipërisë", botuar në gazetë, më 26 nëntor 2009, faqe 8, me pyetjen: "Të jetë e vërtetë që Kuvendi i Shqipërisë është i pavlefshëm?".
Më poshtë po rreshtojmë ligjet kushtetuese, në bazë të të cilave rezulton, të paktën, dyshimi për pavlefshmërinë e Kuvendit edhe të shumtën, pavlefshmërisë së tij nga mosparaqitja e deputetëve në mbledhjen e Kuvendit të porsazgjedhur prej Presidentit të Republikës.
Neni4.
2. Kushtetuta është ligji më i lartë në Republikën e Shqipërisë.
3. Dispozitat e Kushtetutës zbatohen drejtpërsëdrejti, përveç rasteve kur Kushtetuta parashikon ndryshe.
Neni 64
1. Kuvendi përbëhet nga 140 deputetë, të zgjedhur me sistem proporcional me zona zgjedhore shumë emërore.
Neni 65
Kuvendi zgjidhet çdo 4 vjet. Mandati i Kuvendit fillon me mbledhjen e parë të tij pas zgjedhjeve dhe përfundon në të njëjtën datë të të njëjtit muaj të vitit të katërt nga data e …

DEBATI POLITIK, SHTETI DHE PUSHTETI

Dr. Zef Preçi*

Ndërsa ndiqja "live" të enjten në darkë punimet e Kuvendit të Shqipërisë, në kujtesë më erdhën një sërë përjetimesh që dëshiroj t‘i ndaj me lexuesit e gazetës suaj.
Së pari, gjuha e ashpër e Kryeministrit Berisha - tepër larg përgjegjësive publike të postit që ai mban. Në të njëjtën kohë, kjo gjuhë tejet jopolitike në "altarin e kombit", është një provë e naivitetit kolektiv me të cilin u prit riardhja në pushtet e tij më 2005 (edhe pse me një rotacion normal), dhe në mandatin e dytë pesë muaj më parë. D.m.th duhet të pranojmë se drejtimi i vendit nga njerëz që formimin bazë të tyre e kanë marrë në shkollat e sistemit komunist (dhe shkolla më e rëndësishme e tij ka qenë PPSH), vështirë se mund të ofrojë produkt më të mirë qeverisës se ai që kemi aktualisht. Por, në vlerësimin e toneve të ngritura, të fokusuar në "dimensionin" familjar të zotit Rama, mendoj se ka edhe një arsye praktike që e detyron rikthimin në "llogoren e vjetër" t…

Rruga e forcës sjell fund të hidhur

Enton Abilekaj

Fundi i muajit regjistroi një acarim ogurzi të situatës politike në vend. Ultimatumi i opozitës u prit keq nga mazhoranca që filloi sulmet e ashpra dhe personale ndaj kryetarit të opozitës. Kulmi i sulmeve ishte angazhimi personal i Kryeministrit Berisha, i cili me një fjalim shokues në Parlament e përzuri politikën nga institucionet. Tani mes mazhorancës dhe opozitës ka një terren të hapur ku mbizotëron forca. Paralajmërimet e Kryeministrit e konfirmuan këtë. Në prag të 5 dhe 8 dhjetorit, kur pritet të organizohen mitingjet, ky acarim vetëm paralajmëron që zbritja në rrugë e politikës do të ketë për qëllim vetëm demonstrimin e forcës. Pranë mitingjeve, shumë vëzhgues do të fillojnë numërimin e njerëzve dhe entuziazmin e tyre, për të shpjeguar kështu, kush do të bëhet mbreti i rrugës, sepse përplasja e kokëfortësisë politike nuk mund të sillte veç betejën e rrugës. Ka ende 6 ditë kohë, deri të shtunën, kur përfaqësuesit e opozitës do të përpiqen të mbajnë premtimin për m…

Mos e lini dijen vetëm

DONIKA OMARI

Shtrembërimeve, gabimeve, pasaktësive lidhur me dijen, që vërehen kudo, që nga tabelat e dyqaneve, te tabelat e institucioneve, te artikujt e shtypit të përditshëm e atij periodik, te emisionet e TV-ve, e sidomos te librat shkollorë, nuk u kundërvihet askush

Porosia e një gjuhëtari të shquar është: "Mos e lini gjuhën vetëm." Ne shqiptarët, të vetme e pa mbrojtje kemi lënë jo vetëm gjuhën, por ç'është më keq, edhe dijen.
Shtrembërimeve, gabimeve, pasaktësive lidhur me dijen, që vërehen kudo, që nga tabelat e dyqaneve (ku shkruhen në mënyrë të gabuar emra vendesh, njerëzish etj), te tabelat e institucioneve, te artikujt e shtypit të përditshëm e atij periodik, te emisionet e TV-ve (aq më tepër atyre kulturore), e sidomos te librat shkollorë, pra të gjitha këtyre gabimeve e pasaktësive nuk u kundërvihet askush.

Po sjellim një shembull të ditëve të fundit. Lexojmë në shkrimin e një gazetari se Galileu paska përfunduar në turrën e druve. Lexojmë pastaj se Gëtja paska…

"Besëlidhja" e gjeneralëve pa ushtarë

Hamit TAKA

Një situatë e pakuptimtë, gati absurde, po krijohet në vendin tonë për shkak të veprimeve të opozitës ekstremiste, pikërisht në momentin historik, kur dyert hijerënda të Europës po hapen me maturi për vendin tonë. Diku e kemi kaluar pragun, diku kemi hedhur vetëm njërën këmbë e diku tjetër jemi te pragu. Në këto rrethana bojkoti, protestat e sforcuara nëpër sheshe, mospjesëmarrja në zgjedhjet e pjesshme të 15 nëntorit i shërbejnë vetëm anarkisë, amullisë shoqërore, destabilizimit të vendit, për një jetë shoqërore jo normale dhe një zhvillim demokratik jo normal. Reaksioni kundër fenomeneve pozitive kurrë nuk mund të jetë progresiv. Prandaj përballë virtytit banal, të mërzitshëm dhe të rremë të moralistëve socialistë, të vjetër apo të rinj, duhet vënë politika e qartë me argumente dhe fakte, mendimi elitar intelektual dhe media e pakondicionuar nga interesa të ngushta të individit, të krahut politik apo grupeve të caktuara të biznesit.

Kjo tablo e zymtë e veprimit opozitar pas…

Politika e mentalitetit të vjetruar komunist

Arben IMAMI

Kjo mazhorancë ka treguar për tre muaj rrjesht të gjithë vetëpërmbajtjen dhe moderacionin e nevojshëm ndaj një kërkese absurde, pa themel, të pambështetur në prova dhe në fakte, të pabazuar në ligj, nga kryetari i Partisë Socialiste. Vetëpërmbajtja dhe moderacioni ynë kanë qenë të nevojshme për t'i dhënë të gjithë kohën dhe mundësinë për të reflektuar për t'iu kthyer institucioneve, për t'iu kthyer ligjit, për t'iu kthyer bashkëpunimit apo edhe debatit, për ato interesa të larta të vendit që lidhen me integrimin e Shqipërisë në Bashkimin Europian. Ky qëndrim është keqkuptuar rrënjësisht. Moderacioni, vetëpërmbajtja, ftesa është marrë për dobësi dhe në vend që sot të reflektohej në mënyrë të arsyeshme, jemi në një moment kur opozita na jep ultimatum dhe na kërcënon me përshkallëzim. Kjo është politika më e vjetëruar në Ballkan. Kjo është një vjetërsirë bizantiniste, levantine, trashëgimni e një mentaliteti të vjetëruar komunist. Kjo është një praktikë krejtës…

Kush dhunon nënën e tij dhunon shoqërinë

Jozefina TOPALLI

Në fakt, nuk është hera e parë që ne flasim në këtë sallë për dhunën në familje, ashtu siç kam folur e biseduar me mijëra gra në takime në çdo fshat e qytet. Por më besoni, të flasësh për dhunën në familje, nuk është kurrë mjaftueshëm. Të flasësh për dhunën në familje, fatkeqësisht mbetet një çështje jetësore. Të veprosh kundër dhunës në familje është një betejë e vazhdueshme, ashtu siç është bërë pjesë e fushatave tona edhe lufta kundër kancerit.

Kjo seancë është për të gjitha ato gra që ende nuk kanë thyer murin e heshtjes dhe vuajnë mes muresh dhunën. Kjo seancë është për të gjithë ata fëmijë që përloten në dhomën e tyre kur përjetojnë dhunë në familje, psikologjike apo fizike qoftë ajo. Kjo seancë është për të gjithë ata që mund të bëjnë diçka, mësues, mjekë, policë, gjyqtarë, avokatë, gazetarë. Kjo seancë është për të gjitha ato gra që kanë folur, që kanë denoncuar dhunën, që kanë thyer heshtjen, që kanë mundur frikën, që kanë fituar betejën për lirinë e tyre dhe f…

Politika e hienës e mungestarit të madh Rama

Ylli XHAFERRI

Opozita socialiste po e shpërdoron forcën, mandatin dhe verdiktin e asaj pjese të sovranit popull, që e votoi me politikën e çoroditur të lidershipit të saj Rama, pa bosht dhe mungestar në institucionet e limituara nga Kushtetuta, duke e zbritur politikën në rrugë, me klakerë dhe autobusë të paguar, me thirrje antikushtetuese dhe destabilizuese, me protesta të tipit aksion me goditje të përqendruar sipas stilit sockomunist. Që opozita ka rolin e saj të padiskutueshëm në jetën zhvillimore të një vendi, kjo nuk do as mend dhe as kalem për shoqëritë pluraliste, por krejt ndryshe sillet, mendon dhe vepron kryesocialisti mandatprerë dhe mandatmarrë, Rama. Ai i ka veshur opozitës socialiste rolin e sehirxheshës, pengueses, problematikes, mohueses, nxirëses dhe llangosëses së faqes së bardhë të Shqipërisë, duke u distancuar paradoksalisht nga jeta zhvillimore në vend. Lidershipi mandatprerë dhe mandatrrëmbyer sa çel e mbyll sytë, Rama, i dha opozitës përvojën e tij të mandatprer…

Kriza është vetëm e individit Edi Rama

Genc RULI

Vija radikale që po ndjek sot Edi Rama dhe klani i ngushtë i tij, me një këmbëngulje dhe papërgjegjshmëri institucionale - e që kohët e fundit ka shfaqur shenja edhe të një papërgjegjshmërie kombëtare - ka vetëm një qëllim, të krijojë KRIZEN: Krizën politike, krizën institucionale, krizën që synon të mbërthejë nën një qerthull veprimin e kundërveprimin e institucioneve, për të sjellë në fund kolapsin e sistemit politik. Është një marrëzi politike që është eksperimentuar edhe nga të tjerë, e në të tjera vende të botës, në ato eksperienca që kanë zënë vend tashmë në faqet më të errëta të historisë së djeshme dhe të sotme.

Edi Rama, gjatë dy viteve të fundit ka qenë konsekuent në përpjekjet e tij për të realizuar skenarin e "KRIZES", duke synuar pikësëpari efektin e drejtpërdrejtë të saj, panikun social. Këtë skenar, ai filloi ta zbatojë përmes injektimit të një propagande agresive dhe të ligë, për të shkaktuar frikë e alarm mes shqiptarëve me fantazmën e krizës ekonomi…

Fundi i modelit ekonomik të tranzicionit

ADRIAN CIVICI

Bashkë me vitin 2009 duket se po shkojmë edhe drejt “mbylljes” së një cikli të rëndësishëm pothuajse 20 vjeçar të tranzicionit. Kemi folur e jemi përpjekur shumë për vendosjen dhe performancën e ekonomisë së tregut në Shqipëri, kemi zbatuar me rigorozitet recetat e FMN-së dhe Bankës Botërore për privatizimin e ekonomisë dhe hapjen e saj, jemi treguar maksimalisht ortodoksë në çështjen e ruajtjes së ekuilibrave makroekonomikë, jemi fokusuar pothuajse plotësisht te rritja ekonomike si treguesi i vetëm i suksesit e performancës së politikave ekonomike e qeverisjes. Pra, me fjalë të tjera, kemi ndërtuar një model ekonomik të tranzicionit, një profil të vetë ekonomisë shqiptare që me të mirat dhe defektet e tij u bë “lokomotiva” që na tërhoqi deri në fund të dekadës së dytë të këtij tranzicioni radikal “nga plani tek tregu”.
Por, duket se kohës dhe përmbajtjes së këtij modeli po i vjen fundi, në kuptimin që shumë nga elementët dhe energjitë e tij duket se e arritën maksimumin…

Lajmet e fundit nga Tetova News